ՀՀ դեսպանի հանդիպումը Ղազախստանի խորհրդարանում

16 հունիսի, 2022

2022թ․ հունիսի 16-ին կայացավ Ղազախստանի Հանրապետությունում Հայաստանի Հանրապետության արտակարգ և լիազոր դեսպան Արմեն Ղևոնդյանի հանդիպումը Հայաստան-Ղազախստան խորհրդարանական բարեկամության խմբի համանախագահ, Ղազախստանի Հանրապետության Խորհրդարանի Մաժիլիսի /ստորին պալատ/ ագրարային հարցերով հանձնաժողովի քարտուղար Բերիկ Օսպանովի հետ։

Հայաստանի և Ղազախստանի միջև դիվանագիտական հարաբերությունների հաստատման 30-ամյակի համատեքստում հանդիպմանը ընդգծվեց համատեղ, այդ թվում՝ խորհրդարանական հարթակում, քայլերի կարևորությունը ի շահ երկկողմ միջպետական փոխհարաբերությունների ավելի բարձր մակարդակով զարգացման։

Այս կապակցությամբ կարևորվեց նաև Բարեկամության խմբի գործունեությունը, այդ թվում՝ բազմակողմ ձևաչափերով, միջխորհրդարանական համագործակցության առաջմղման հարցում։

Քննարկվեցին նաև առաջիկայում նախատեսվող միջխորհրդարանական խմբի նիստի կազմակերպչական և օրակարգային մի շարք հարցեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր